3 ნოემბერს, დირსის საცხოვრებელ კომპლექსში მდებარე იტალიურ კაფე „კანტინაში“  საბავშვო მწერალი ლელა ცუცქირიძე გვეწვია, რომელსაც დირსის უბანში მცხოვრებ ბავშვებთან ერთად ვუმასპინძლეთ.

სახალისო შეხვედრაზე ვისაუბრეთ ბავშვებისათვის საყვარელ წიგნებსა და გმირებზე. მოწვეული ბავშვების განსაკუთრებული ინტერესი ხელნაკეთმა წიგნებმა გამოიწვია.

საბავშვო მწერალი ლელა ცუცქირიძე უამრავ ჯილდოსა და აღიარებასთან ერთად რამდენიმე დღის წინ გამართული, იაკობ გოგებაშვილის სახელობის საბავშვო და საყმაწვილო ლიტერატურული კონკურსის პირველი გამარჯვებულების სიაშია.

დირსის საცხოვრებელ კომპლექსში ინტერაქტიული შეხვედრებისა და საღამოების ტრადიცია კვლავ გაგრძელდება, რომელიც დააინტერესებთ როგორც ბავშვებს, ისე მათ მშობლებს.