20 ნოემბერს სასტუმრო ჰოლიდეი ინში, The FINANCIAL მედიის ორგანიზებით სამშენებლო ფორუმი  “URBAN TBILISI” გაიმართა. ღონისძიებაზე 86 კომპანიის 200 წარმომადგენელი მონაწილეობდა. ფორუმის ერთ-ერთი სპონსორი კომპანია  AS GEORGIA- საცხოვრებელი კომპლექსი დირსი იყო.

კომპანია  AS GEORGIA-ს მარკეტინგის, გაყიდვებისა და ბიზნესის განვითარების დეპატრამენტის ხელმძღვანელი  ნინო კუპრაშვილი დამსწრე საზოგადოების წინაშე, საინტერესო მოხსენებით წარსდგა. მან ისაუბრა „დირსის“ სტრატეგიის შესახებ ქართულ სამშენებლო ბიზნესში, გააცნო საზოგადოებას მიმდინარე და დაგეგმილი სამომავლო პროექტები.

ფორუმს, რომლის მიზანი, მონაწილე კომპანიების მხრიდან ქალაქის ურბანული განვითარების ხედვის წარმოდგენა იყო, მხარდაჭერას უცხადებდა ქ. თბილისის მერი კახა კალაძე.

"მივესალმები დაგეგმილ სამშენებლო ფორუმს, მოვუწოდებ დაინტერესებულ პირებს მონაწილეობა მიიღონ დისკუსიაში და თბილისის სიცოცხლით სავსე ქალაქის მშენებლობაში", განაცხადა თბილისის მერმა კახა კალაძემ.