3 მარტს „დირსის“ საცხოვრებელ კომპლექსში, კომპანია „ას ჯორჯია-დირსიმ“ დედის დღე მარტოხელა დედათა და ბავშვთა ასოციაციის „მომავლის მზის“ წევრებთან ერთად აღნიშნა. „ას ჯორჯია-დირსის“ გენერალური დირექტორი ბესო ჯიქურაული ისნის, სამგორის, კრწანისის, დიღმის, საბურთალოს რაიონში მცხოვრებ 15 მარტოხელა დედას ჰიპერმარკეტების ქსელ „გუდვილის“ სასაჩუქრე ვაუჩერები გადასცა.

კომპანია „გუდვილი“ „დირსის“ პარტნიორია და მისი ფილიალი კომპლექსის ტერიტორიაზე მალე გაიხსნება.

სოციალურ აქციას ესწრებოდნენ საქართველოს პარლამენტის წევრები ირაკლი აბუსერიძე, ბექა ნაცვლიშვილი, ქ. თბილისის მუნიციპალიტეტის საკრებულოს წევრები ლევან დავითაშვილი, თარაშ შურღაია, ავთო ცინცაძე და ისნის რაიონის გამგებელი კახაბერ ლაბუჩიძე.

კომპანია „ას ჯორჯია-დირსი" სოციალური პასუხისმგებლობის ფარგლებში სხვადასხვა მიმართულების კამპანიის განხორციელებას მომავალშიც გეგმავს.